Castellano
There is nothing to show here!
Slider with alias Meditazioa eus not found.

Zer da meditazioa

Meditazioa da gure adimena bertutearekin ohitzeko metodorik onena.

Zenbat eta gehiago ohitu bertutearen praktikara, orduan eta bake eta lasaitasun handiagoz gozatuko dugu. Gure burua lasai dagoenean, kezkak eta arazoak izateari uzten diogu, eta benetako zoriona sentitzen dugu.

Aldiz, bake mentalik ez badugu, nahiz eta oso atseginak izan inguratzen gaituzten kanpoko baldintzak, ez gara zoriontsuak izango. Adimen lasaia eta baketsua badugu, etengabeko zoriona izango dugu, nahiz eta kontrako zirkunstantziei aurre egin behar izan. Horregatik, oso garrantzitsua da meditazioan trebatzea.

Meditazioa bi motatakoa izan daiteke: analitikoa edo finkatze-meditazioa. Irakurri edo entzun dugun Dharmaren edozein testuren esanahia behatzen edo aztertzen dugunean, meditazio analitiko bat egiten ari gara. Irakaskuntza hori sakon aztertzeak ondorio jakin batera eramango gaitu, edo jarrera mental bertutetsua sortzera. Ondorio edo jarrera mental hori izango da finkatze-meditazioaren xedea.

Ondorio edo jarrera mental hori izango da finkatze-meditazioaren xedea. Nahi dugun objektua meditazio analitikoaren bidez aurkitu dugunean, horretan kontzentratu behar dugu ahalik eta denbora gehien, hartara ohitzeko. Kontzentrazio konbergente hori da finkatze-meditazioa. Meditazio terminoa finkatze-meditazioari erreferentzia egiteko erabiltzen da, eta kontenplazioa, meditazio analitikoari.

Finkatze-meditazioa, kontenplazioaren araberakoa da, eta hau, Dharmaren irakaspenak entzutearen edo irakurtzearen araberakoa.

Meditazioari buruzko xehetasun gehiago nahi izanez gero, ikus  Nuevo manual de meditación.

Nola meditatu

Bizitza modernoaren presa eta exijentziekin, normalean lanpetuegi eta estresatuegi egoten gara, eta sarritan ez dugu denborarik izaten gure zereginak osatzeko.

Nekeak eta estresak tristura, ezinegona eta frustrazioa eragiten digute, eta gure osasunean ere eragina izan dezakete. Hain gaude lanpetuta, ez dugu denborarik aurkitzen hausnartzeko.

Hala ere, meditazioarekin, egia esan, denbora aurrezten dugu, horri esker zentratu eta lasaitu gaitezkeelako. Arnasketan meditazio soil batek lagunduko digu estresa gainditzen eta buruko bakea eta oreka aurkitzen.

Meditazioak ere gure burua ulertzen lagun diezaguke. Horrela, egoera mental negatiboak positibo bihurtzen ikasiko dugu, asaldatuak baketsu bihurtzen eta ase gabeak gozagarri bihurtzen.

Adimen negatiboak gainditzea eta pentsamendu positiboak lantzea da tradizio budistan irakasten diren meditazioen asmoa. Egun osoan zehar egin daiteke praktika espiritual hori, ez bakarrik meditazioa praktikatzean. Edozein pertsona, budista izan ala ez, meditazio hauetaz balia daiteke. Atal hau erabilgarri topatzea espero dugu, eta meditazioarekin lortzen den barne bakeaz gozatzen ikastea.

Informazio gehiago nahi izanez gero, ikus Nuevo manual de meditación, Transforma tu vida y Ocho pasos hacia la felicidad.

Meditazio-objektu birtuosoak

Oro har, edozein objektu bertutetsu erabil dezakegu meditazio objektu gisa.

Objektu jakin batekin ohitzearen ondorioz gure adimenak bakea eta ongizatea aurkitzen dituela ohartzen bagara, onuragarria delako seinale da. Kontrako efektua eragiten badu, kaltegarria dela esan nahi du, eta ez zaigu komeni. Badira objektu neutroak ere, adimenaren aldeko eta kontrako efekturik sortzen ez dutenak.

Ezin konta ahala objektu bertutetsu daude, baina garrantzitsuenak Lamrim-i buruzko hogeita bat meditazio-praktikak dira:

1 Gizakiaren existentzia preziatua.
2 Heriotza eta inpermanentzia.
3 Beheko birjaiotzen sufrimenduak.
4 Babesaren praktika.
5 Akzioak eta horien ondorioak.
6 Samsarari uko egitea.
7 Ekuanimitatea.
8 Izaki guztiak gure ama direla onartzea.
9 Izaki guztien ontasuna aintzat hartzea.
10 Norbera besteekin berdintzea.
11 Norbera estimatzearen desabantailak.
12 Gainerakoak estimatzearen abantailak.
13 Norbera besteengatik aldatzea.
14 Erruki handia.
15 Hartzearen praktika.
16 Besteen zoriona desiratzen duen maitasuna.
17 Ematearen praktika.
18 Bodhichita.
19 Egote-baketsua.
20 Goi-ikuspegia.
21 Konfiantza Gida Espiritualarengan.

Gure giza existentzia preziatuari buruz hausnartu behar dugu, orain daukagun Dharman trebatzeko aukera bikaina ezagutu eta estimatzeko. Gure giza existentziaren ahalmen handia estimatzen badugu, ez dugu alferrik galduko, zentzurik gabeko jardueretan.

Nagikeria gainditzeko eta gure praktika motibazio mundutarretatik garbi eta aske mantentzen dela ziurtatzeko, heriotzari eta inpermanentziari buruz hausnartu behar dugu. Dharma bihotzez praktikatzen badugu, erraz lortuko ditugu errealizazioak.

Beheko birjaiotzen sufrimenduei buruzko meditazioak, Hiru Bitxietan benetako babesa izateak, ekintza kaltegarriak saihesteak eta bertutea erabiltzeak beheko erresumetan erortzetik babesten gaituzte, eta bermatzen digute etorkizuneko bizitzetan giza berpizkunde preziatuak lortuko ditugula, Dharman trebatzeko beharrezko baldintzak dituztenak.

Azken askapena edo nirvana lortzeko nahia berez sortzeko, gizakien eta jainkoen sufrimenduei buruz hausnartu behar dugu. Uko egite deritzon desira horrek bide izpiritualen praktika osatzera bultzatzen gaitu, askapen osoaren lorpenera garamatzaten metodoak.

Amodioan, errukian eta bodhichitan ere hausnartu behar dugu, geure estimua murrizteko eta izaki sentikor guztiekiko benetako afektua sentitzeko.

Motibazio garbi horrekin, meditazioan trebatu behar dugu, egote-baketsua, kontzentrazio sakoneko egoera eta goi-ikuspegia deritzon jakinduria berezia lortzeko. Horrela, gure ezjakintasuna desegin ahal izango dugu, eta Buda bihurtzea eragozten diguten bi oztopoak ezabatu.

Gida espiritual kualifikatu batean konfiantza izatean, Dharmaren praktikaren atea irekitzen dugu. Haien bedeinkapenei esker, fedea eta konfiantza sortuko dugu gure trebatze espiritualean, eta erraztasunez lortu ahal izango ditugu bideko etapetako errealizazioak. Beraz, garrantzitsua da hausnartzea Gida Espiritualean konfiantza izateko modu egokiari buruz.

Jarrera

Meditazioa egiten dugunean, jarrera egokia hartu behar dugu eserleku eroso baten gainean.

Garrantzitsuena bizkarra zuzen mantentzea da. Horretarako, kuxin baten gainean esertzen bagara, horrek pixka bat altuagoa izan beharko luke atzetik aurretik baino, eta pelbisa pixka bat kanporantz ateratzen eseri beharko dugu.

Hasieran ez da beharrezkoa hankak gurutzatuta esertzea, baina komeni da pixkanaka ohitzen joatea Buda Vairochanaren jarrerara. Horrela eseri ezin bagara, antzeko beste forma bat aukera dezakegu, eroso suertatzen bazaigu.

1235463_516568531761760_1357335656_n

Hauek dira Vairochanaren jarreraren zazpi ezaugarriak:

  1. Hankak gurutzatuta dauzkagu vajra-jarreran, eta horrek apego-pentsamenduak eta -sentimenduak murrizten laguntzen digu.
  2. Eskuineko eskua ezkerraren gainean jarrita, ahurrak gorantz, hatz puntak pixka bat goratuta eta pixka bat ukituz. Horrela eskuak zilborraren azpitik lau bat hatz jartzen ditugu, eta horrek kontzentrazio ona garatzen laguntzen digu. Eskuineko eskuak metodoa sinbolizatzen du, eta ezkerrekoak, jakinduria; biak elkartuta metodoaren eta jakinduriaren arteko lotura sinbolizatzen dute. Zilborraren mailan dauden bi hatz lodiek barruko sua irudikatzen dute.
  3. Bizkarra zuzen mantendu behar da, baina erlaxatuta. Horrek adimen argi bat garatzen eta mantentzen laguntzen digu, eta energia aire sotilak aske ibiltzea ahalbidetzen du.
  4. Ezpainek eta hortzek modu naturalean egon behar dute, goiko hortzen atzealdea mihiarekin ukituz. Horrek listua gehiegi jariatzea eragozten du, baita ahoa lehortzea ere.
  5. Burua pixka bat aurrerantz okertuta, kokotsa barrurantz pixka bat sartuta, beherantz begiratzeko moduan. Horrek buruko urduritasuna saihesten laguntzen du.
  6. Begiak erdi irekita egon behar dute, ez oso irekita, ez oso itxita, eta behera begiratu behar dugu sudurrerantz. Begiak gehiegi irekitzen baditugu, buru-urduritasuna izango dugu, eta erabat ixten baditugu, buru-hondoratzea.
  7. Sorbaldak nibelatuta egon behar dute, eta ukondoak gorputzetik pixka bat bereizita, aireak zirkulatu ahal izateko.

Aurretiko prestakuntza

Gueshe Kelsang Gyatsok Nuevo manual de meditación liburuan azaltzen du denok dugula errealizazioak lortzeko ahala edo potentziala.

Ahalmen hori gure adimenaren eremuan meditazioaren praktikarekin landu behar ditugun haziak bezalakoa da, baina horrek nahi ditugun emaitzak eman ditzan, ezinbestekoak diren zenbait prestaketa daude.

Eremu bat landu aurretik garrantzitsua da ondo prestatzea. Landareen hazkundea eragotz dezakeen orotatik garbitu behar dugu lehenik, harriak eta belar txarrak kendu. Bigarrenik, ongarriarekin aberastu behar dugu. Gainera, tenperatura eta hezetasun egokiak behar dira haziak ernatu eta uzta heltzeko.

Era berean, errealizazio espiritualak lantzeak prestatze arduratsuak eskatzen ditu.Lehenik, iraganean metatzen dugun karma negatiboaren adimena garbitu behar dugu edo, bestela, ezingo dugu Dharmaren errealizaziorik lortu. Gero, Dharmaren errealizazioen hazkundeari eusteko behar den energiaz hornitu behar dugu adimena, merituen metaketaren bidez. Azkenik, izaki sakratuen bedeinkapenekin garapen espiritual hori suspertu eta mantendu behar dugu.

Bedeinkapena jasotzea ere oso garrantzitsua da. Haziak landatzen baditugu, baina ez badute beharrezko tenperatura eta hezetasuna jasotzen, ez dira inoiz ernatuko, belar txarrak kendu eta lurra ongarritzen badugu ere. Beroak eta urak haziak ernarazten dituzte, landareak hazi egiten dira, eta fruituak ondu. Era berean, izaki sakratuen bedeinkapenik gabe, zaila gertatuko zaigu gure meditazioetan emaitzak lortzea, nahiz eta purifikazioa praktikatu eta merituak metatu.

Bedeinkapenek gure adimena eraldatzen dute, gure hazi bertutetsuak ernarazten baitituzte, Dharmaren errealizazioak handitzen eta gure praktika izpiritualaren fruituak heltzen baitituzte.

Esandakotik ondoriozta dezakegu meditazioan arrakasta izateko hiru prestaketa behar ditugula: akatsak purifikatzea, merituak pilatzea eta bedeinkapena jasotzea.

Nahi baduzu, prestatzeko praktika hauek egin ditzakezu Oraciones para meditar sadhana errezitatuz.

Meditazio saioa

Meditazio-saio oso batek bost zati ditu:

Prestakuntza
Kontenplazioa
Meditazioa
Dedikazioa
Ondorengo praktika

Prestakuntza

Prestakuntzazko praktikek, izenak berak dioen bezala, meditaziorako prestatzen dute gure adimena, zeren eta, horien bidez, iraganean egin genituen ekintza kaltegarriek eragindako oztopoak purifikaten baititugu, merezimenduak metatu eta budak eta bodhisatvak bedeinkpenak jaso.

Nahi baduzu, prestatzeko praktika hauek egin ditzakezu, meditatzeko otoitzak errezitatuz, esanahia aztertzen duzun bitartean.

Kontenplazioa

Kontenplazioaren helburua finkatze-meditazioaren objektua adimenean sortzea da. Hori arrazoiketen, gogoeten, adibide egokien eta jorratzen ari garen gaiarekin lotutako irakaskuntzen analisiaren bidez lortzen dugu.

Komeni da Nuevo manual de meditación esku-liburuan aurkezten diren oharrak buruz ikastea, testura jo beharrik gabe meditatu ahal izateko.

Liburu honetan jasotako gogoetak gure esperientzia pertsonalarekin zerikusia duten arrazoibide osagarriekin, analogiekin eta beste adibide batzuekin aberastu behar ditugun gidalerroak dira.

Meditazioa

Kontenplazioaren emaitza gisa objektuaren irudi argia lortzen dugunean, meditazio analitikoa alde batera utzi behar dugu, eta horretan konbergentziaz kontzentratu. Kontzentrazio konbergente hori bost zatietatik hirugarrena da: meditazioa bera, alegia.

Hasieran, meditazioan trebatzen garenean, gure kontzentrazioa, normalean, oso ahula izaten da, erraz distraitzen gara eta etengabe ahazten dugu meditazioaren objektua. Horregatik, hasieran hobe da kontenplazioa eta finkatze-meditazioa saio bakoitzean hainbat aldiz txandakatzea.

Adibidez, errukian meditatzeko, izaki sentitkorren sufrimendu ezberdinei buruz hausnartzen hasten gara, haiekiko erruki bizia sentitzen dugun arte.

Sentimendu hori ahultzen bada edo gure gogoa distraitzen bada, meditazio analitikora itzuliko gara, hura berreskuratzeko. Errekuperatzen dugunean, meditazio analitikoa uzten dugu, eta berriz ere horretan kontzentratzen gara modu konbergentean.

Kontenplazioak eta meditazioak adimena objektu bertutetsuekin ohitzeko balio dute. Haiekin zenbat eta gehiago identifikatu, orduan eta bake mental handiagoa izango dugu.

Bide izpiritualean zintzotasunez trebatzen bagara eta gure bizimodua meditazioan hartutako erabakiekin bat badator, une oro buru lasai eta baketsua mantentzea lortuko dugu.

Kontenplazioari eta meditazioari buruzko argibide zehatzagoak liburu hauetan aurki daitezke: Compasión universal, El camino  gozosode buen fortuna, Introducción al budismo, Nuevo manual de meditación y Transforma tu vida.

Dedikazioa

Dedikazioarekin, meditazioan metatutako merituak Buda izateko lorpenerantz zuzentzen ditugu. Merituak eskaintzen ez baditugu, gorrotoak erraz suntsi ditzake.

Saio bakoitzaren amaieran dedikazio otoitza zintzoki errezitatzean, metatu dugun bertutea ez galtzea ziurtatzen dugu, eta argiztapena lortzeko kausa bihurtzen dugu.

Ondorengo praktika

Ondorengo praktika meditazioa eguneroko bizitzan txertatzean datza, zenbait aholku jarraituz. Gogoratu behar dugu Dharma ez dela praktikatu behar soilik meditazio kuxin batean esertzen garenean, baizik eta gure bizitzan erabat integratu behar dugula.

Oso garrantzitsua da gure meditazio praktikaren eta eguneroko bizitzan duen aplikazioaren artean urruntasunik ez egotea, meditazioaren arrakasta hortik kanpo dugun jokabidearen zintzotasunaren araberakoa baita.

Beraz, une oro behatu behar dugu geure burua, adimena, arreta, zaintza eta jokabide zuzena aplikatuz, eta ohitura txarrak alde batera uzten saiatuz.

Meditazio-saioetan nahiz horietatik kanpo, behar den denboran etengabe trebatzen bagara, Dharmaren esperientzia sakona lortuko dugu. Beraz, pazientziaz praktikatu behar dugu, berehalako emaitzak lortzea itxaron gabe.

Laburbilduz, gure burua ereiteko zelai bat bezalakoa da. Prestatze praktikekin, deskribatu bezala egokitzen dugu: iraganean egiten ditugun ekintza kaltegarrien oztopoetatik garbituz, merituen metaketarekin ongarrituz eta izaki sakratuen bedeinkapenekin ureztatuz. Kontenplazioa eta meditazioa dira hazi onak ereitea, eta ondorengo dedikazioa eta praktika, Dharmaren errealizazioen uzta helarazteko metodoak.

Meditaziorako programa

Benetan lortu nahi badugu argiztapenerako bidearen etapetako esperientzia (Lamrim), egunero meditatu behar dugu.

Lehenengo eguna Gida Espiritualarekiko debozioaz egin dezakegu, bigarrena, gure giza existentzia baliotsuaz, eta horrela beste hogeita bat meditazioekin jarraitu.

Saioen artean, ez ditugu ahaztu behar ondorengo praktikaren jarraibideak.

Gainera, noizean behin, gure eginbeharrek uzten badigute, gomendagarria da Lamrim-i buruzko meditazio-tarte bat egitea.

Horrela praktikatzen badugu, gure bizitza bideko etapetako esperientzia hobetzera bideratuko dugu.

Meditazio-erretiroa

Batzuetan meditazio-tarte bat egitea komeni da. Egun batekoa egin dezakegu, asteburu batekoa edo luzeagoa, denbora izanez gero.

Erretiroan, gure ohiko zeregin eta jarduerak alde batera utziko ditugu, eta praktika espiritual jakin batean kontzentratuko gara.

Hiru erretiro-mota daude: fisikoa, ahozkoa eta mentala.
Erretiro fisiko bat praktikatzen dugu, motibazio espiritual batekin, beste pertsona, jarduera eta zaratetatik isolatzen garenean, eta praktika espiritualarekin zerikusirik ez duten ekintza guztiak alde batera uzten ditugunean; hitzezko erretiro bat praktikatzen dugu motibazio espiritual batekin zentzurik gabeko elkarrizketak alde batera uzten ditugunean eta denbora tarte batez isilik geratzen garenean; eta erretiro mental bat egiten dugu distrakzioak eta nahasmen mentalak saihesten ditugunean, hala nola gorrotoa, atxikitmendua, zeloak eta ezjakintasuna;  eta oroimena eta buru zaintza mantentzen dugu.

Erretiro fisikoan eta hitzezkoan jarraitzen badugu, baina ez badugu erretiro mentala egiten, ez dugu emaitzarik lortuko. Erlaxatzeko balio badigu ere, engainuak saihesten ez baditugu, gure buruak aztoratuta jarraituko du erretiroan bagaude ere. Hala eta guztiz ere, erretiro fisiko eta hitzezko batek beti lagunduko digu buruko erretiroa gordetzen.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
0